Ambassade de France en Islande | Franska sendiráðið á Íslandi

Námsstyrkir 2013-2014: Umsóknarfrestur lengdur til 15. maí

admin — 2013-05-08T17:28:00Z

[8. maí, 2013]

Franska ríkið veitir á ný íslenskum nemendum styrki til framhaldsnáms í Frakklandi. Umsóknarfrestur hefur verið lengdur til 15. maí, 2013.

Nánari upplýsingar um styrkina má finna hér

Um er að ræða 5 styrki. Námsmenn á hvaða fræðisviði sem er geta sótt um styrkina. Forgang hafa nemendur sem stefna á masters- eða doktorssnám, og þeir sem vilja klára tvær annir eða fleiri af námi sínu í Frakklandi.

ATH: Margar námsbrautir eru nú í boði á ensku!

Í styrkjunum felast:

Mánaðarlegir styrkir til uppihalds.

Skólagjöld í opinbera háskóla greidd að fullu.

Forgangur vegna húsnæðis á stúdentagörðum og aðstoð við umsókn og skráningu.

Almannatryggingar.

Frönsk skip í Reykjavík

admin — 2013-05-06T15:28:23Z

4 bátar og skip af ólíkum gerðum koma til Íslands í vor. Nýjasta skip franska sjóhersins, Aquitaine, kom til Íslands 3.-6. maí, en það hefur nýlega verið tekið í notkun.


Aquitaine

Dráttarbáturinn Tenace, sem átti að koma 16.-18. maí, hefur hætt við förina vegna tæknilegra vandamála.


Tenace

Frakkland verður heiðursgestur á Hátíð hafsins þetta árið, sem haldin er helgina 1.-2. júní. Í tilefni af því verður skútan L'Étoile stjarna dagsins. Hún mun síðan halda á hinn enda landsins og taka þátt í hátíðarhöldum á Austfjörðum.


L'Étoile

Tvö önnur seglskip koma til landsins: Port de Gravelines, sem kemur frá vinabæ Fáskrúðsfjarðar, og La Pensée, sem hefur ferð um hnöttinn í Reykjavík.


Port de Gravelines


La Pensée

Vísindastyrkur PHC „Jules Verne“ 2014-2015: Umsóknarferli hafið!

admin — 2013-05-06T11:23:57Z

Styrkir til vísinda- og tæknisamstarfs íslenskra og franskra aðila á vegum Jules Verne samstarfssamningsins eru nú lausir til umsóknar. Umsóknarfrestur er 17. september 2013. Styrkir eru veittir til ferða- og dvalarkostnaðar fyrir vísindamenn til gagnkvæmra heimsókna á árunum 2014-2015.

PHC verkefnið (Programme Hubert Curien) „Jules Verne“ var sett saman til að auka hreyfanleika og samstarf vísindamanna frá Frakklandi og Íslandi. Á tveggja ára fresti geta rannsakendur sent inn umsókn en tilgangurinn með þessu verkefni er að virkja vísinda- og tæknisamstarf milli stofnana, skóla og rannsóknahópa í báðum löndunum og að auðvelda samstarf við önnur slík samstarfsverkefni í Evrópu.

Vísindamenn á öllum sviðum grunnvísinda og hagnýtra rannsókna geta sótt um. Virk þátttaka ungra vísindamanna, þ.e. doktorsnema eða þeirra sem nýlega hafa lokið doktorsnámi er eitt af þeim skilyrðum sem verkefnin þurfa að uppfylla til að hljóta styrk.

Í ár verður lög áhersla á verkefni á sviði jarðhita rannsókna, rannsókna á norðurslóðum, jarð- og lífvísinda.

Stofnunum sem eiga í samstarfi er gert að leggja inn hver fyrir sig umsókn til þeirra aðila sem hafa yfirumsjón í hvoru landi fyrir sig. Umsóknin skal hafa að geyma lýsingu á verkefni samstarfsaðilanna sem síðan verður metið í sitt hvoru lagi í Frakklandi og á Íslandi.

Athugið að aðeins koma til greina umsóknir sem lagðar eru fram af báðum aðilum hvor í sínu landi.

Nánari upplýsingar og umsóknareyðublöð er að finna á heimasíðu Rannís, www.rannis.is.

Umsjón með Jules Verne hjá Rannís hefur Elísabet M Andrésdóttir, netfang: elisabet@rannis.is, sími 515 5809.

Frönsk rannsóknarteymi geta sótt um styrk á vefsíðu „Campus France“ (http://www.campusfrance.org/fr/jverne).

Eða með því að hafa samband við Írisi Hrund Þórarinsdóttur, vísinda-og menningarfulltrúa franska sendiráðsins á Íslandi. iris.thorarinsdottir@diplomatie.gouv.fr

Ræða seðlabankastjóra á ráðstefnu FRÍS

admin — 2013-04-15T16:05:08Z

Í tilefni af opinberri heimsókn Ólafs Ragnars Grímssonar, forseta Íslands til Parísar 25. febrúar til 1. mars síðastliðinn var haldin ráðstefna á Fransk-íslenska viðskiptaráðsins.

Meðal ræðumanna var Már Guðmundsson, seðlabankastjóri, en erindi hans nefndist Iceland's crisis and recovery and current challenges. Það má lesa hér á vefsíðu Seðlabankans.

Franska vefritið AgoraVox birti nýlega franska (stytta) útgáfu af erindinu. Það má sjá hér.

(Mynd: cb.is)

Áhugaverðir fyrirlestrar um framtíðarþróun Evrópusambandsins

admin — 2013-04-11T14:34:22Z

Tveir franskir sérfræðingar, Vivien Pertusot hjá Institut francais des Relations internationales í Brussel og Guillaume Xavier-Bender hjá Þýska Marshall-sjóðnum í Brussel, héldu fyrirlestra 3. og 5. apríl í Norræna húsinu. Fyrirlestrarnir voru hluti af fyrirlestrarröð Alþjóðamálastofnunar HÍ sem kallast Evrópa: Samræður við fræðimenn.

Fyrirlestrarnir voru haldnir með aðstoð sendinefndar Evrópusambandsins á Íslandi. Meðal gesta var frú Vigdís Finnbogadóttir, fyrrv. forseti Íslands.

Í máli Pertusot kom fram að þær reglur Evrópusambandsins er segja að lög geti aðeins átt við um ákveðin lönd, eftir vilja þeirra, voru í upphafi hugsaðar sem undantekningarráðstöfun. Notkun þeirra er að aukast, sem hefur þau áhrif að slaka á ósveigjanleika sambandsins, en gæti einnig myndað ólíkar útgáfur af því hvernig sambandið virkar, sem aftur gæti sett framtíð þess í efa.

Xavier-Bender byggði erindi sitt á efnahagslegu eðli Evrópusambandsins, einnig hvað varðar viðskipti út á við, sem nær það langt að talað er um „ríkiserindrekstur gegnum viðskipti“. Hann lagði áherslu á nauðsyn „efnahagslegs öryggis“ til að berjast gegn fölsun, njósnum, o.fl., en slíkt er ekki það sama og verndarhyggja.

Innsend grein eftir hvorn birtist í Fréttablaðinu en hér má finna grein Vivien Pertusot, og grein Guillaume Xavier-Bender hér.

Tónleikar í tilefni af Hátíð franskrar tungu fyrir fullum sal

admin — 2013-04-09T14:09:55Z

Tónleikar í tilefni af Hátíð franskrar tungu, undir vernd frú Vigdísar Finnbogadóttur, fyrrverandi forseta Íslands, fylltu Norðurljós í Hörpu þann 6. apríl síðastliðinn. Áhorfendur fengu að njóta franskra tónverka frá lokum 19. aldar og byrjun þeirrar 20., í bland við nútímalegri lög. Einnig var þetta tækifæri til að kynnast betur því menningarsamfélagi sem hinn frönskumælandi heimur er, en 57 ríki eru meðlimir í Alþjóðasamtökum hins frönskumælandi heims.

Fram komu Amine Kouider (fiðla), Marion Herrera (harpa), Frédéric Raibaud (píanó), Þórarinn Jóhannes Ólafsson (tenór) og Íris Hrund Þórarinsdóttir (mezzo-sópran).

Samstarf milli Íslands og Frakklands um tónlist mun halda áfram, þökk sé nýrri fransk-íslenskri sinfóníuhljómsveit, sem sendiherra tilkynnti um að yrði sett á laggirnar. Hljómsveitin, sem í verða til helminga Íslendingar og Frakkar og Amine Kouider mun leiða, mun leika sína fyrstu tónleika á Grundarfirði þann 15. september næstkomandi (til að fagna 10. ára afmæli vinabæjartengslum við Paimpol). Aðrir tónleikar verða haldnir í Hörpu 16. september, til minningar um Charcot skipherra, en 77 ár verða liðin frá skipbroti Pourquoi pas ? og þannig dauða hans.

Smellið á myndirnar til að skoða fleiri myndir á Facebook-síðu okkar.

Tveir fyrirlestrar um þróun mála í Evrópusambandinu

admin — 2013-03-27T16:02:48Z

Franska sendiráðið heldur tvo fyrirlestra um þróun mála í Evrópusambandinu, 3. og 5. apríl 2013. Fundirnir tveir eru hluti af fundaröð Alþjóðamálastofnunar Evrópusamræður 2012-2013.

Miðvikudaginn 3. apríl kl. 12-13 í fundarsal Norræna hússins:

Evrópusambandið: Breytilegur samruni eða ein leið fyrir alla?

Í Evrópusambandinu eru uppi fjölmargar hugmyndir um það hvort og þá hvernig ríki geta tekið þátt í Evrópusamrunanum með ólíkum og mismiklum hætti. Umræður af þessu tagi er ekki nýjar af nálinni en eru nú háværari en áður. Óhjákvæmilega gengur tal um mismikla þátttöku í samrunaferlinu þvert á hugmyndina um „sífellt nánara samband“ (e. ever closer union), sem hefur verið lykilatriði í sáttmálum Evrópusambandsins. En „breytilegur samruni“ (e. differentiated integration) er enn óljóst hugtak sem getur leitt okkur í margar áttir. Hvaða leiðir eru færar? Hvað segja þær okkur um framtíð Evrópusambandsins? Og hvaða efnahagslegu og pólitísku áhrif gætu þær haft?

Vivien Pertusot er forstöðumaðurfrönsku Ifri hugveitunnar í Brussel, en hún er leiðandi á sviði alþjóðamála. Hann vann áður hjá NATO and Carnegie Europe og kenndi einnig stjórnmálafræði í háskólanum Lille 2. Skrif hans hafa birst víða, þ.á.m. í Le Monde, Euractiv, Atlantico, Atlantic Community, RUSI, Carnegie Europe og The New Atlanticist.

Föstudaginn 5. apríl kl. 12-13 í fundarsal Norræna hússins:

Verndarstefna eða frjálshyggja? Evrópski markaðurinn og staða Evrópusambandsins í alþjóðastjórnmálum

Líklegasta leið Evrópusambandsins til þess að hafa áhrif í utanríkismálum er ef til vill að beita efnhagslegum styrk sínum. Efnahagskrísan hefur ekki minnkað stuðning við opna markaði almennt, en hinsvegar þá hefur komið upp ríkari krafa um að vernda evrópska markaði og samfélög. Með hvaða hætti vinnur Evrópusambandið að framgangi og verndun efnhagslegra og félagslegra gilda sinna í alþjóðakerfinu? Hvaða áhrif hefur hinn sameiginlegi markaður og sameiginleg myntstefna Evrópusambandsins á sýn utanaðkomandi aðila á sambandið? Með hvaða hætti styður stefnumörkun á sviði efnahagsmála og þróunarsamvinnu víðari stefnu á sviði utanríkismála?

Guillaume Xavier-Bender starfar hjá the German Marshall Fund í Brussel og sér um starf sem snýr að viðskiptum, þróunarsamvinnu og efnahagsmálum. Hann fylgist vel með stefnu Evrópusambandsins og stjórnmálum á þessu sviði og starfar í samvinnu við þá sem vinna að þessum málum í Brussel. Hann starfaði áður á skrifstofu forsætisráðherra Frakklands í París.

Smellið hér til að skoða tilkynningu Alþjóðamálastofnunar: http://ambafrance-is.org/IMG/jpg/Fu...

France 24 - Frönsk nálgun á heimsfréttirnar

admin — 2013-03-12T15:25:23Z

France 24 - Frönsk nálgun á heimsfréttirnar

France 24 hefur öðlast fast sæti meðal stærri alþjóðlegra fréttasjónvarpsstöðva, með útsendingar á 3 tungumálum sem ná til 256 milljón heimila allstaðar í heiminum og með áhorf 45 milljón manna á dag.

Sjónvarpsstöðin býður upp á raunverulegan valkost við það úrval stöðva sem er til staðar, með franskri nálgun á viðburði heimsbyggðarinnar og dagskrá allan sólarhringinn á frönsku, ensku og arabísku.

Nú geta Íslendingar séð útsendingar France 24 á frönsku gegnum stöðvapakka Skjásins, eða horft á útsendingarnar á ensku eða arabísku á netinu á vefsíðunni www.france24.com.

Fréttir allan sólarhringinn

France 24 greinir frá fjölbreyttum viðburðum á heimsvísu með stuttum fréttatímum á hálftíma fresti, þar sem farið er yfir það nýjasta. Á undan hverjum fréttatíma er myndræn og skýr veðurspá fyrir hnöttinn.

Dagskráin er því meðfærileg og getur verið breytt með stuttum fyrirvara eftir því sem fréttaflutningur hvers dags krefst. Sjónvarpsstöðin leggur einnig mikla áherslu á beina útsendingu frá mikilvægum viðburðum.

Nýtt sjónarhorn á heimsfréttirnar

France 24 býður upp á úrval þátta sem kafa dýpra í málefnin: Þátturinn Paris Direct er fréttaskýringaþáttur sem er á dagskrá kl. 6 að morgni og 19 að kvöldi; Économie fjallar um það nýjasta úr heimi efnahagslífsins og fylgir opnun og lokun hlutabréfamarkaða, l'Invité de l'Économie og la Semaine de l'Éco fjalla einnig um efnahagsmál, og Intelligence économique er eini þátturinn sem sýnir hið dulda samband hins opinbera og einkageirans.

France 24 leggur einnig áherslu á menninguna og fjallar um hana, í hvaða formi sem hún er: Culture, Mode, Chroniques Culturelles og Les Arts de Vivre eru þættir sem bjóða áhorfendum innsýn í það nýjasta úr heimi skreytinga, heimsminja, lífstíls, matargerðarlistar, víngerðar, arkítektúrs og tísku, hvort sem er í Frakklandi eða annars staðar í heiminum.

France 24 hvar sem þú ert

Sjónvarpsstöðin hefur reynt frá byrjun að móta sér hlutverk fjölmiðils sem býður upplýsingar gegnum þá miðla sem nútíminn krefst. Hún er því sjáanleg á snjallsímum, spjaldtölvum, nettengdum sjónvörpum, alnetnu og samfélagsmiðlum, ávallt á öllum þremur tungumálum. Fleiri en 15 milljón manns skoða fréttirnar á France 24 í hverjum mánuði, sem er til vitnis um að því markmiði er náð.

Metnaðarfull og viðurkennd fréttamennska um allan heim

France 24 er síðast en ekki síst útbreitt net fréttaritara og fréttamanna sem nær um allan hnöttinn. Þeir hafa fingurinn á púlsinum og flytja fréttir um stærstu viðburði hverrar stundar. Þættir eins og Reportage, Focus og Les Observateurs segja frá því nýjasta hver frá sínu sjónarhorni. Fagmennska og gæði fréttanna hlýtur reglulega verðlaun og viðurkenningar. Þannig hljóta fréttamenn og –ritarar France 24 hvert ár verðlaun frá ólíkum aðilum á sviði fréttamennsku á alþjóðavísu.

Einstakir tónleikar með frönskum verkum í Hörpu, 6. apríl 2013

admin — 2013-03-08T16:33:11Z

Í tilefni af Viku franskrar tungu, býður franska sendiráðið þér á einstaka tónleika með franskri tónlist frá lokum 19. aldar. Verkin verða flutt af tónlistarmönnum í fremstu röð en í hópi þeirra verður virtur fiðluleikari og hljómsveitarstjóri frá París. Verndari tónleikanna er fyrrum forseti Íslands, Frú Vigdís Finnbogadóttir.

Flutningur er í höndum:

Amine Kouider - fiðla

Marion Herrera - harpa

Frédéric Raibaud - píanó

Þórarinn Jóhannes Ólafsson - tenór

Íris Hrund Þórarinsdóttir – mezzo-sópran

Efnisskrá:

Claude Debussy : Arabesque - Claire de Lune

Camille Saint-Saëns : Fantaisie pour violon et harpe opus 124

Jules Massenet : Élégie - Méditation de Thaïs

Gabriel Fauré : Après un Rêve, Dolly, Sicilienne, Élégie

Eric Satie : Je te veux

Jaques Offenbach : Barcarolle

Serge Gainsbourg, Joseph Kosma, Louiguy : Frönsk sönglög

Tónleikarnir eru opnir öllum.

ATH: Sætafjöldi er takmarkaður og því er mikilvægt að áhugasamir sendi póst á veffangið ambafrance@ambafrance-is.org og tilkynni:

Fjölda miða sem óskað er eftir.

Heimilisfang.

Miðar verða sendir með pósti á uppgefið heimilisfang.

Fundur Ólafs Ragnars Grímssonar og François Hollande

admin — 2013-03-04T15:24:54Z

Forseti Íslands, Ólafur Ragnar Grímsson, átti fund þann 26. febrúar síðastliðinn með François Hollande, forseta Frakklands, í Elysée höll, í tilefni af opinberri heimsókn hans til Frakklands. Þetta er í fyrsta sinn síðan 1983 sem forseti Íslands sækir Frakkland heim með þessum hætti.

Með fundinum vildi François Hollande styrkja tengsl Frakklands og Íslands. Þá ítrekaði forseti Frakklands vaxandi áhuga franskra stjórnvalda og vísindasamfélags á þróun Norðurslóða. Þess má geta að Frakkar hafa lengi vel verið frumkvöðlar í málefnum heimskautanna og eru virkir þátttakendur í störfum Norðurskautsráðsins.

Ólafur Ragnar Grímsson með François Hollande

Forseti Íslands fagnaði áhuga Frakka á málefnum Norðurslóða sem m.a. hefði birst í tveimur heimsóknum sérstaks sendimanns Frakklandsforseta, Michel Rocard, fyrrverandi forsætisráðherra, til Íslands á undanförnum árum. Aukin vísindaleg samvinna á milli ríkjanna tveggja sýnir framþróun í þessum málum. Til að mynda með störfum íslenskra vísindamanna á franskri rannsóknarstöð á Svalbarða sem og undirritun samnings á milli Háskólans á Akureyri og Pierre et Marie CURIE-háskólans um nám í heimskautarétti.

Forsetarnir ræddu einnig mikilvægi nýtingar á sjálfbærri orku og fjölluðu meðal annars um fjölþætt tækifæri til samvinnu, ekki síst varðandi nýtingu jarðhita.

Upplýsingar voru fengnar af opinberum vefsíðum Frakklandsforseta og forseta Íslands.