[11. nóvember 2011]
Marc Bouteiller hóf störf sem sendiherra Frakklands á Íslandi 21. október síðastliðinn. Hann er hér á landi með konu sinni, Odile Bouteiller.
Hann hefur háskólapróf frá Institut d’Études Politiques de Paris og lögfræðigráðu frá Paris X. Hann gekk einnig í École nationale d’Administration. Bróðurpart starfsævi sinnar hefur hann unnið erlendis, þá sérstaklega fyrir efnahags- og viðskiptaráðuneyti Frakklands, en hann hefur einnig starfað í einkageiranum.
Hann hefur verið við störf í Suður-Afríku, Hong Kong, Þýskalandi, Kanada og Alsír. Hann er 55 ára.
Hann er í sérverkefni hjá utanríkisráðuneyti Frakklands og hefur verið síðan 29. september 2011.
Marc og Odile Bouteiller eiga 4 börn, þau Pauline, Raphaël, Tiphaine, og François-Marie, en þau búa öll í París.
